Peter Thiel

Peter Thiel
Mibait	Template:Birth year and age Frankfurt am Main, Germany
Kapanintunan/propesion	Venture capitalist, hedge fund manager
Net worth	US$1.3 billion (2008)[1]

I Peter Andreas Thiel (mibait 1967) metung yang Americanung negosianti, talapanibalang hedge fund, libertarian ampong venture capitalist. Kayabe ya i Elon Musk ampo i Max Levchin, tetag neng Thiel ing PayPal at migsilbi yang CEO. King salukuyan, magsilbi ya antimong pamuntuk ning Clarium Capital, metung a global macro hedge fund a manibala king maigit $2 biliun a assets under management, ampong ka-sosiu ya talapanibala (managing partner) king The Founders Fund, metung a $275 miliun a venture capital fund a inumpisan na kayabe ya i Ken Howery ampo i Luke Nosek aniang 2005. Metung ya kareng minunang memuhunan king Facebook, ing sikat a social-networking site, at makalukluk ya king board of directors ning kumpania. Maki ranggu yang #377 kareng pekamakualta i Thiel king Forbes 400 aniang 2008, a maki salaping US$1.3 biliun.^[1] Nanupata, mababa ing pamagtantia na niti king kayang pibandian, uling, agpang king metung a metung a pamamie alaga aniang 2010, US$1.7 billion ing salapi na.^[2] Manuknangan ya iPeter Thiel king San Francisco, California.^[3]

1. ↑ ^{1.0 1.1} The 400 Richest Americans: #377 Peter Thiel. Forbes.com. Retrieved on 2010-10-16.
2. ↑ "Shareholder trading values Facebook at more than $33bn" The Guardian--August 25, 2010:
3. ↑ "Peter Thiel Says 'Don't Piss Off the Robots' " Silicon Alley Insider--November 18, 2009: